Martın 19-də 2025-ci ilin Azərbaycanda “Konstitusiya və Suverenlik İli” elan edilməsi ilə bağlı Naxçıvan Muxtar Respublikasının Ekologiya və Təbii Sərvətlər Nazirliyinin, Ədliyyə Nazirliyinin, Şərur Rayon İcra Hakimiyyətinin təşkilatçılığı ilə ağacəkmə aksiyası təşkil olunub.

Aksiya çərçivəsində Dizə-Axura avtomobil yolunun sol kənarında torpaq-iqlim şəraitinə uyğun olaraq 3100-dən çox badam tingi əkilib. Ətraf mühitin qorunması və ekoloji tarazlığın təmin olunmasına xidmət edən aksiyada həmçinin yerli özünüidarəetmə orqanları və ekologiya könüllülər də aktiv iştirak ediblər.