Naxçıvan Muxtar Respublikası Ədliyyə Nazirliyi və Səhiyyə Nazirliyinin birgə təşkilatçılığı ilə Penitensiar Xidmətin Qarışıq Rejimli Cəzaçəkmə Müəssisəsində cəza çəkən məhkumların tibbi müayinələri həyata keçirilib.
Müayinələr zamanı məhkumlara nevroloji, kardioloji, stomatoloji, terapevtik, laborator və digər tibbi xidmətlər göstərilib, onların sağlamlıq vəziyyəti ətraflı qiymətləndirilib.
Tibbi müayinələrin keçirilməsində məqsəd məhkumların sağlamlıq vəziyyətinə nəzarətin təmin edilməsi, xəstəliklərin vaxtında aşkarlanması və profilaktik tədbirlərin həyata keçirilməsidir.