Martın 29-da Naxçıvan Muxtar Respublikası Ədliyyə Nazirliyinin İstintaq bölməsi və İcra və          probasiya şöbəsi tərəfindən Babək Rayon İcra və Probasiya Şöbəsində şöbənin icraatında          olan   icra sənədləri üzrə borclu şəxslərlə maarifləndirici görüş keçirilib

 Tədbirdə nazirliyin əməkdaşları Rəşad Allahverdiyev və Zamin Nəbiyev çıxış edərək, icra   sənədlərinin icra olunması, alimentin hesablanması və ödənilməsi, eyni zamanda məhkəmə   qərarları üzrə məbləğlərin hissə-hissə ödənilməsi üçün məhkəməyə müraciət edilməsi qaydası   və cinayət məsuliyyəti barədə qanunvericilkdən irəli gələn əsas məqamlar barədə məlumat     veriblər.

 Bildirilib ki,“İcra haqqında” Azərbaycan Respublikası Qanununa əsasən məhkəmə və digər   orqanların qərarlarının icrası ilə əlaqədar olaraq icra məmurunun qanuni tələbləri Azərbaycan   Respublikası ərazisində bütün orqanlar, hüquqi şəxslər, onların vəzifəli şəxsləri və fiziki şəxslər   üçün məcburidir və məhkəmə və digər orqanların qərarlarının borclu şəxslər tərəfindən qərəzli   olaraq icra edilməməsi hüquqi məsuliyyət yaradır.

 Sonda mövzu ilə bağlı iştirakçıları maraqlandıran suallara ətraflı cavab verilib.